نصائح مهمة اثناء قيادة السيارات

من حقوقك الدستورية أن تركن أمام باب المحل الذي تريد أن تشتري منه، اذا سبقك واحد تيت و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هي يعني الدنيا طارت ولا كان وراهم الديوان؟
=============
من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً
=======

إحترس من ثلاث أنواع من السائقيين بيسوقوا و كأنهم مستحيل يموتوا:
1. العيال الروشين الي بيلعبوا Computer Games فاكريين إن ممكن يكسبوا Life زيادة لو ساقوا أسرع
2. موتوسيكلات توصيل الطلبات ( Home Delivery ).
3. سواقين الميكروباص وتحتها 113 خط.
ملحوظة: إوعى تحاول تثبت لحد منهم إن فكرته غلط. فاهمني وبالذات رقم 3!!!.
=========